XX ғасырдың басындағы Қазақстан сабақ жоспары

Сабақтың мақсаты. Елдің әлеуметтік-экономикалық жағдайы, демографиялық ахуалдың өзгеруі және жалпытүріктік, мұсылман қозғалыстары, олардың қайраткерлері туралы толық мәліметтер беру арқылы түсіндіру.

Білімділік: XX ғасыр басындағы Қазақстанның қоғамдық-саяси ахуалы, патша өкіметінің қоныс аудару саясатының ұлт-азаттық қозғалыстың шығуы мен өршуіне тигізген әсері және Қазақстан халықтарының ұлттық құрамы түбегейлі өзгеріске ұшырауы туралы толық мәліметтер беру арқылы оқушылардың білімділігін арттыру.

Тәрбиелік: оқушы санасындағы Отаншылдық қасиеттерді оята отырып, Қазақстанның XX ғасырдың бас кезіндегі қоғамдық-саяси дамуының кезеңдерімен, тарихи өзгерістермен және демографиялық ахуалдың мәні қалай өзгергені туралы баса назар аудару.

Көрнекі құралдар: Бірінші дүниежүзілік соғыс туралы карта, демографиялық өзгерістер туралы кесте-сызба және ұлт зиялылары мен алғашкы мұсылман ұйымдары мүшелерінің портреттерін слайд арқылы көрсету.

Сабақтың әдісі: баяндау — лекция түрінде; интерактивті тақтаны пайдаланып, слайд арқылы кестелерді түсіндіріп жазғызу және пәнаралық байланыс әдісін қолдану.

Жаңа сабақты мына жоспарлар арқылы баяндап түсіндіру:

• а) XX ғасырдың басындағы Қазақстанның әлеуметтік-экономикалық жағдайы;
• ә) демографиялық ахуал;
• б) Бірінші орыс революциясы;
• в) Мемлекеттік Думаның депутаттары және олардың қызметі;
• г) алғашқы мұсылман ұйымдары және оның Қазақстандағы бөлімшелері;
• д) Бірінші дүниежүзілік соғыстың тауқыметі.

2бөлiгiнде оқушылардың жаңа материалдарды игергенi туралы өзiндiк жұмыстар жүргiзiледi.

Жаңа сабақты түсiндiруде мұғалiмнiң ұстанатын басты қағидалары: оқушының логикалық ойлау қабiлетiн үнемi дамыта отырып, олардың бiлiмдiлiк-дамытушылық, бiлiктiлiк ерекшелiктерi мен тәрбиелiк қасиеттерiн жүйелi түрде қалыптастыру. Жаңа материалды түсiндiру барысында төмендегi кесте-сызбаларды пайдалану және оқушыларға жазғызу.